--------------------------------------------------------------------------------
بيقولك مرة واحد كان معاه جنيه قال بالجنيه ده يا اركب الاتوبيس يا اشرب عصير قصب قال لو ركبت الاتوبيس هيبقى في حل من اتنين :
يا اما هقف يا اما هقعد
لو وقفت مفيش مشكله
لكن لو قعدت هيبقى في حل من اتنين
يا اما هيقعد جمبي راجل يا اما هتقعد جمبي ست
لو قعد جمبي راجل مفيش مشكله
لكن لو قعدت جمبي ست هيبقى فيه حل من اتنين
يا اما هنعجب ببعض يا اما مش هنعجب ببعض
لو مااعجبناش ببعض مفيش مشكله
لكن لو اعجبنا ببعض هيبقى في حل من اتنين
يا اما هنتجوز يا اما مش هنتجوز
لو متجوزناش مفيش مشكله
لكن لو اتجوزنا هيبقى في حل من اتنين
يا اما هنخلف يا اما مش هنخلف
لو مخلفناش مفيش مشكله
لكن لو خلفنا هيبقى في حل من اتنين
يا اما نجيب ولد يا اما بنت
لو جبنا بنت مفيش مشكله
لكن لو جبنا ولد
هيبقى في حل من اتنين
يا اما هينحرف يا اما هيستقيم
لو استقام مفيش مشكله
لكن لو انحرف هيبقى في حل من اتنين
يا اما هيدمن يا اما مش هيدمن
لو ما ادمنش مفيش مشكله
لكن لو ادمن هيبقى في حل من اتنين
يا اما هيبقى معاه فلوس يا اما مش هيبقى معاه فلوس
لو معاه فلوس مفيش مشكله
لكن لو معهوش فلوس
هيبقى في حل اتنين
يا اما هيقتلني يا اما هيسرقني
لو سرقني مفيش مشكله
لكن لو قتلني.......
يانهار اسود يقتلني لا انا اروح اشرب عصير قصب احسن
يارب تعجبكم
الأحد فبراير 06, 2011 8:28 am
