طاجن المكرونه بالحمه المفرومه

الطاجن

بدأ الأول نقول المقادير.
نص كيلو مكرونة
حوالي ربع كيلو لحمة مفرومة
بصل
ملح فلفل
جوزه الطيب
فلفل اخضر واحمر
فلفل حار واللي مبتحبش خلاص
طماطم
الطريقة***
هنعسج اللحمة عادى ونديها البهارات بناعتها
نسلق المكرونة نص سليق عشا متبقاش معجنة
هنقطع البصل حلقات ونحطه على النار مع سمنة وزيت
يذوب البصل يدبل نضيف الطماطم المعصورة حوالي نص كيلو
وبعدين نتبلها طبعاااا
يدوب تغلي غلوتين ونطفي عليها
نجيب الكرونة وناخد حبة من صلصة الطماطم بس نحاول مانخدش البصل الصوص بس
يدوب تحمر بس المكرونة
نرص المكرونة في البيركس أو صينية عادية
وبعدين نحط العصاج وبعدين المكرونة الباقية
وبعدين نحط الصلصة بالبصل على وش المكرونة نغطيها بالصلصة
ونحطها في الفرن حوالي نص ساعة أو حسب الفرن بتاعك
ساعات في أفران درجة حرارتها علية وساعات هادية
حسب نظرك انتى بقى
وبإلهنا والشفى
متنشوش التقييم يا حلوين
وجربوا وقلولى مش هتندموا

» بطاطس محشيه باللحمه المفرومه بالصوره