اكلات مصرية متنوعة

اكلات مصرية متنوعة



الرقاق باللحمة المفرومة:
(الاممة)

المقادير:
-12 قطعه رقاق.
-1كيلو لحمه مفروم احمر.
-2بصله متوسطه مفرومه جيدا.
-ملح وفلفل اسمر حسب المذاق (2ملعه ملح صغيره,1ملعقه فلفل اسمر صغنونه برده).
-1ملعقه سمن بلدي او زبده صفراء كبيره +3ملعق زيت زره او عباد الشمس.
-1 ليتر شوربه ساخنه اي نوع شوربه.
>>>>صنيه مستديره لعمل الرقاق.

الطريقه بئي ايييييييه:
-الاول نعمل اللحمه المفرومه تتعصج وهقول ازاي نجيب البصله المفرومه تتزلها علي ملعقه سمن بلدي كبيره حتي تصبح لونها اصفر دهبي كده ماشي ونجيب كيلو اللحمه ونعد نقلب فيها ونحط الملح والفلفل معاها وبعدين ايه بئي يا حلوين نسيبها لحد متسوتي بتاع ربع ساعه بس .

--نجيب الصينية اللي هانعمل فيها الرقاق وندهنها بالسمن
-نسخن نوع الشوربه الموجود عندنا
-نمسك الرقاق و نغطس أول واحد في الشوربه من غير ما تلين و نحطها في الصينية و ندهنها بالسمنة أو نقطع عليها قطع صغيرة من الزبدة و بعدين نعمل طبقات تانية من الرقاق بنفس الطريقة حوالي 6طبقات و نفرد فوقه طبقة من اللحم المعصج و بعدين نحط فوقه طبقات تانية من الرقاق بنفس الطريقة ( نسقيه بالمرقة و نحطه و بعدين ندهنه بالسمنة) لحد ما نعمل برده 6 طبقات و ندهن الوش بالسمنة جيدا
-ندخله فرن متوسط الحرارة لحد ما يبقى دهبي .

الكرشة والممبار

اهم شئ التنظيف ثم التظيف ثم التنظيف وقبل التنضيف تجيبيها من جزار تعرفيه كويس
لازم اولا يتنظفو كويس انا شخصيا اى حاجة لونها مش ابيض بشيلها هههههه
الكرشة:
تتنظف ثم تتنضف وبعدين ندعكها بلمون وملح وخل ونشطفها كويس
وبعدين نحطها فى حلة وحليها بصل وتوم وملح وتوابل وصلصة طماطم وعصير طماطم ونسيبها على النار لغاية ما هى تنزل الميه بتاعتها الافضل تقلبى البصل و بعدين التوم وبعدين الكرشة تقلبيها معاهم على النار شوية وبعدين زودى الطماطم وسيبيها شوية وبعدين زودى ميه حسب الحاجة

الممبار بقى بموووووووت فيه
بس برضه اشتريه من حد تعرفيه " بيتهيالى كل الناس فى مصر كل عيله ليها الجزار اللى بتثق فيه"
وبعدين اغسليه بمية واقلبيه وشيلى بالسكين بس برفق عشان ميتقطعش اى شئ جواه "الجزء الاصفر" وادعكيه طبعا بلمون وملح وخليه فى اللمون شوية
وبعدين قطعيه حسب ما تحبي انا بحب اعمله قطع صغيرة عشان تتاكل على طول او ممكن تعمليه قطع كبيرة وتقطعيه عند التقديم
وتجيبى الخلطة فى ناس بتستعمل خلطة المحشى العادية "رز وصلصة و بقدونس "
بس انا بحب اعمله برز وبعدين نص الطماطم عصير والنص التانى مقطع قطع صغيرة جدا جدا وطبعا بقدونس وتوابل " كدة اخف لانه هيتقلى كمان مش يبقى مقلى ومسبك مع بعض كتير ههههه"
وبعدين تفتحتى الممبار وتحشيه ثبتى طرف من الممبار على الصينية اللى فيها الرز وامسكى الطرف التانى بايديكى الاتنين وافتحيه وبعدين دخللى الرز باطراف اصابعك
لا تحشيه للاخر واتركى مسافة لنضج الارز
وبعدين تحطى ميه على النار تغلى وتحطى فيها الممبار واحدة واحدة ووطى النار حتى لا ينفجر و هتلاقيه انكمش وبعدين لما اتحسى الرز نضج ممكن تختبريه بسكين بس كونى حريصة جدا
وبعد النضج طلعيه فى مصفاه ثم حمريه فى الزيت وبالهنا و الشفا


(الحلبسة) او حمص الشام

تجيبى اولا الحمص وتنقيه وتغسليه وبعدين تنقعيه فى الماء انا بسيبه من بالليل للصبح وبعدين ترمى ميه النقع وتغسليه
وبعدين تحطيه ممكن فى دماسة الفول وتحطيله ميه وكمون وملح وقطعة بصل ومون فصين توم يعنى مثلا لوربع كيلو حمص حطي بصلة صغيرة واربع فصوص توم مش كتير يعنى وممكن تقطعيهم صغير جدا او تبشريهم لو مش بتحبى يظهر فى الاكل وطماطماية معصورة ولمون وممكن خل بس انا بفضل اللمون بس واتركيه على النار لحد ما يستوى وممكن اللى يحب يزود شطة او لمون وبالهنا والشفا

الخبيزة على الطريقة المصرية


المقادير:
1/2 كيلو خبيزة
حزمة سلق
حزمة شبت
حزمة كسبرة
نص وعاء شوربة لحم
ربع كوب أرز
2 بصلة كبيرة
4 ملاعق كبيرة سمن
رأس توم مدقوقة

الطريقة:
يغسل الشبت والكسبرة ويقطع إلى قطع رفيعة جدا بالسكين ثم نضعهم على الشوربة على نار متوسطة.
نغسل الأرز واضعه ليسلق مع الشوربة.
تنظف الخبيزة جيدا (تقطف الزهرة (وتغسل وتُصفى ثم تُخرط مع السلق، أو نضعها على النار لتسلق مع السلق ثم نضربهم في الخلاط.
خذي الخليط وضعيه على الشوربة وبعد غلوتين وبعد أن نجد الخليط قد أصبح سميكا بعض الشيء نطفي النار.

الطشة:
نقشر البصل ونبشره بالمبشرة ونضعهم مع السمن في وعاء على نار متوسطة لتحمر.
بعد أن يصفر لونه ضعي عليهم رأس التوم المدقوقة
بعد أن يحمر الثوم ضعي عليهم الخبيزة (الخليط الذي تم صنعه سابقا)
ثم أقلب وأطفي

بالنسبة للكشك



وهومن الأطباق التركية المحبوبة لدى المصريين ، وهو سهل الإعداد والتحضير ومفيد فى نفس الوقت لإحتوائه على اللبن والدقيق .


المقادير :
- 2 كوب شوربة ( فراخ بط أوز ) مضاف لها ملح وفلفل .
- 3 ملعقة دقيق .
- كوب كبير لبن .
- بصلة متوسطة .
- 2 ملعقة أرز.

الطريقة :
- ترفع الشوربة على النار وبعد غليانها يضاف الارز بعد غسيله .
- يخفق اللبن مع الدقيق جيداً ثم يضافوا على الشوربة بعد نضج الأرز ويقلب .
- يستمر التقليب حتى يصبح القوام مناسباً .
- ثم يصب فى أطباق ويستخدم البصل المحمر للتجميل

السبانخ بالصلصة:


اولا نعمل الصلصة " التسبيكة" بصل مفروم نحمره وبعدين نضيف له طماطم معصورة و ملح وتوابل ونتركه على النار حتى تتماسك ثم نضيف السبانخ " بعد تنضيفها وتقطيعها طبعا" وشوربة لحم وممكن نضع اللحم ايضا بها وبعدين نتركها حتى يذبل ورق السبانخ فى الصلصة ثم نحمر قليل من الارز المصرى " واحيانا يستعمل الفريك" فى طاسة حتى يتحول للون الذهبى ثم نضيفه للسبانح ونضيف الملح و التوابل حسب الرغبة ولكن للعلم السبانخ لا تحتاج لكثير من الملح لانها تحتوى على املاح ويكون علامة نضجها هو نضج الارز الموجود بها وتؤكل مع ارز محمر "حبة وحبة"
احيانا فى الصعيد يتم طبخ السبانخ خضرا بدون صلصه حمرا
وذلك بوضع السبانخ فى الشوربة حتى تذبل "دون صلصة" ثم الارز المحمر وباقى الخطوات عادى
البسيسه


هى فكرتها قائمة على خلط زيت مع سمن وخلط دقيق قمح مع دقيق ذرة،
والسمنه ضعف الزيت ودقيق القمح ضعف دقيق الذرة
وحلوة جداجدا مع الشاى بلبن
المقادير
1 و1/2 كوب سكر 4 بيضات 1/2 كوب سمن أو زبد 1/4 كوب زيت 2 ملعقة بيكنج باودر 1/4 ملعقة كربونات الصودا 2 كوب دقيق 1 كوب دقيق ذرة 2 كوب زبادي ملعقة فانيليا سمسم للوجه
الطريقة
يضرب البيض والسكر والفانيليا في الخلاط (الخاص بالعصائر). .1ثم يضاف الزبد والزيت ويستمر بالضرب. .2ثم يضاف الزبادي ويستمر بالضرب. .3ينخل الدقيق والبودر والكربوناته ودقيق الذرة ويضاف للخليط السابق ويستمر بالضرب. .4ندهن صينيتين بالزبد وتصب البسيسة بحيث يكون ارتفاعها 2 سم وترش بالسمسم على الوجه وتدخل فرن متوسط الحرارة لمدة 15 20 دقيقة حتى تنضج ويحمر الوجه. .

القرنبيط المقلى:


نقطع زهور القرنبيط
ونسلقه فى ماء ساخن نصف سلق
وبعدين نحضر الخلطة اللى هى " لبن ، بيضه، ملعقتين دقيق، ملح ، توابل، بقدونس " ونضع القرنبيط فى الخلطة ثم نقليه فى زيت حاااااار وعميق
وممكن عمل نفس الخلطة للبطاطس
وممكن عمل القرنبيط فى الفرن نحط القرنبيط بعد سلقه فى صينية ثم نضع نفس الخلطة فوقه وندخله الفرن بس المقلى افضل طبعا فى الطعم

طبق الكبده بالدمعه


المقادير
نصف كجم كبده - نصف كجم طماطم _قليل من الشطه _عصير بصله _ربع راس ثوم مفري - عصير ليمونه -م خل
قليل من الماء -ملح وفلفل -زيت للتحمير
الطريقه
1 -يغسل الكبده ثم تقطع شرائح متوسطة الحجم ويتبل بالملح والفلفل وعصير الليمون والبصل وتترك نصف ساعه
2- تغطى بالدقيق وتحمر في الزيت وترفع ويحمر الثوم مكانها ثم نضيف له عصير الطماطم وتترك على النار تتسبك قليلا ويضاف الخل وقليل من الماء وتتبل
3- تقطع شرائح الكبده المقليه لشرائح اصغر او تترك كما هي وتضاف للصلصه السابقه وتترك بها 10 دقائق حتى تغلي
وتغرف وتجمل بالبقدونس وتقدم ساخنه



(المسقعة)


اكلة مصرية شهية جدا ممكن تقدم مع خبز بلدي او شامي او حتى فينو ( صامولي )

وممكن ايضا مع أرز مصري أبيض ..
مفيدة وقيمة غذائية عالية .. ولذيذة جدا ..


المقادير :
كيلو باذنجان رومى
ربع كيلو فلفل أخضر
نصف كيلو طماطم
ملح، فلفل أسود , كمون , كزبرة جافة

ثوم
خل
( ربع كيلو لحم مفروم معصجة حسب الرغبة )


الطريقة :
نقشر الباذنجان ونقطعه حلقات ونحمره في الزيت حتى يصير لونها ذهبي داكن , ونحمر أيضاً الفلفل الأخضر مع ترك فلفلتين مقعطين على جنب بدون تحمير ..
نصفيهم من الزيت ونتركهم.
تقطع الطماطم قطعا مثل قطع السلطة المكعبات الصغيرة ..
نهرس الثوم ونحمره فى طاسة القلي مع قليل من زيت الذرة , ثم نضيف له قطع الفلفل المتبقية وتقلب معه نصف دقيقة , ثم يطش بالخل مع وضع الملح والتوابل عليه , ثم تضاف قطع الطماطم وتترك من ثلاث دقائق الى خمس دقائق حتى تدبل قليلا ..
ثم نوزعها على الباذنجان والفلفل المقلي في سيرفيز التقديم
ولا مانع من رشة بقدونش مفري للتزيين
يمكن اضافة اللحمة المفرومة المعصجة وادخالها الفرن تحمر قليلا او حسب الرغبة


الحمام بالفريك

المقادير:

زوج حمام مغسول و مجهز
بصلة مفرومة وبصلة سليمة
ملعقة سمن
ثلاثة أرباع فنجان فريك
ملح وفلفل
حبهان و قرفة
كبدة قوانص مقطع

الطريقة

-تحمر البصلة المفرومة في السمن حتى تصفر ثم تتبل و يضاف الفريك و الكبد و القوانص و تتبل ثم تقلب على النار ثم ترفع
-يحشى الحمام من الحوصلة و الجوف ثم يخاط أو يغلق باستعمال أعواد الأسنان
-يسلق في كمية مناسبة من الماء مع البصلة و حبتان من الحبهان و ملح و فلفل حتى النضج
-ينشل من الماء و يحمر في القليل من السمن ثم يفك الخيط و يزال عود السنان و يقدم مجملا بالبقدونس

ملحوظة: يمكن استبدال الفريك بالأرز

البصارة

المقادير:
250 جم فول مدشوش منقوع طوال الليل
5 بصلات كبيرة مبشورة
نصف راس ثوم مقشر و مبشور
حزمة شبت مغسول و مفروم
2 حزمة كزبرة خضراء مغسولة و مفرومة
حزمة بقدونس مغسولة و مفرومة
معلقتين نعناع جاف
2 ملعقة كبيرة كمون
2 ملعقة
كبيرة سمن
ملح فلفل و شطة

الطريقة:
-يغسل الفول جيدا ثم يغلى غلوة واحدة في مقدار من الماء يكفي لتغطيته
-يصفى من الماء و يغسل ثانية
- يضاف له كمية أخرى من الماء تكفي لتغطيته و يضاف الثوم و التوابل و النعناع الجاف و بصلة واحدة مبشورة و يترك على النار حتى يتم نضجه و يقل مقدار الماء جدا
-تضاف الخضرة الفرومة و تترك على النار 5 دقائق
يرفع من على النار و يوضع في الخلاط و يفرم جيدا حتى نحصل على معجون كثيف
-تقدح السمن و يحمر فيه باقي البصل المبشور ثم يضاف على البصارة مع التقليب على نار هادئة مع ترك القليل من البصل ليرش على الوجه

-تصب في إناء التقديم و ترش بالبصل المحمر (تقدم ساخنة أو باردة)


طاجن البطاطس بلحم الضأن

المقادير:

- كيلو جرامان بطاطس مقطعة مكعبات

- مكعبات من لحم الضأن بالعظام

- 2 بصلة كبيرة مقطعة حلقات

- ملح وفلفل اسود وجوزة الطيب

- ملعقة متوسطة سمن

- ثلاث ملاعق متوسطة صلصة طماطم

الطريقة:

-يغسل اللحم جيدا ويتبل بالملح والفلفل الأسود وجوزة الطيب وقطرات من الخل الاحمر لتفكيك أنسجته وسرعة نضجة لإحتوائه على العظام

-يقلب البصل فى السمن ويضاف اليه لتر ماء ومعجون الطماطم و اللحم ويترك حتى ينضج ثلاثة أرباع نضج
-تقطع البطاطس الى مكعبات وتغسل وتضاف للحم
-تترك على نار متوسطة حتى يتم النضج



طاجن الأرز المعمر

المقادير :
كوب من الأرز المنقى ومغسول / 2 كوب لبن / 2 ملعقة سمن / ملح / فلفل / ملعقة قشدة للوجه

الطريقة :
• يدهن طاجن فخار أو صينية دهنا جيدا بالسمن .
• يوضع الأرز فى الطاجن و يصب فوقه اللبن المتبل بالملح و الفلفل و يزج فى فرن متوسط الحرارة حتى يقرب من النضج .
• توزع ملعقة القشدة على السطح و يعاد الطاجن للفرن حتى يتم نضجه و يحمر وجهه و يقدم ..

أرز معمر بالطيور

المقادير :

كالأرز السابق مضاف إليه ( الحمام أو السمان أو دجاج صغير ) وذلك حسب الرغبة
الطريقة :
• تترك الطيور صحيحة أو تقطع أنصافا و تتبل جيدا بالملح و الفلفل .
• يعد الطاجن كما سبق و يوضع نصف مقدار الأرز ثم ترص الطيور ثم يوضع باقى مقدار الأرز .
• يستكمل باقى الخطوات السابقة ...


الفتة بالخل والثوووووم

المقادير علي حسب عدد الافراد الذي يتفضلوا علي الغذاء لحم بالعظم ارز عيش (خبر محمص بالفرن)
صلصه طماطم 1 حبه طماطم 2فص ثوم مدقوق ناعم 1 ملعقه خل 2 بصل 2ملعقه سمنه

الطريقه نضع اللحم في حله علي النار مع حب الهيل وبصله صغيره ورشه فلفل اسود وتترك علي النار حتي النضج
ثم نقوم بتسويه الارز الابيض ثم في حله اخري نقطع البصل قطع صغيره ونحمر في السمن ونقشر حبه الطماطم ونضيفها الي البصل ونحمره شويه مع بعض تم نضيف اليهم علبه الصلصه ونتركها تتسبك علي النار ثم ناخذ شويه في حله صغيره من الصلصه بعد النضج ونضيف اليهم مقدار 3 اكواب من الشوربه بتاعه اللحم بعد ان تكون استوت وضبط الملح والتوابل عليها حسب الرغبه
ثم نقطع الخبز بعد ان نكون حمصنه فب الفرن واصبح لونه ذهبيا
اخضري طبق غويط او صنيه بايركس علي حسب ما تحبي تقدمي الفته
ضعي الخبر في الصنبه اوالطبق الكبير وصبي عليهم الصلصه المضاف اليها الشوربه ثم ضعي طبقه من الارز الابيض ثم ضعي طبقه من الصلصه المسبكه علي وجه الارز ثم قومي بتشويح اللحمه تشويحه خفيفه ( تحمير خفيف ممكن في نفس الحله التي تمت عمليه تسوبه اللحمه فيه بدون ان تضيف اي ماده دهنيه فقد ضيفي فلفل اسود ناعم وملح حسب الرغبه ثم قومي بتوزيع اللحمه في الصنبه واسكوبي باقي الصلصه المسبكه ثم في مقلي ضغيره قومي نتحمير الثوم وعند ما يحمر ضيفي اليه ملعقه الخل ثم ضيفي اليها شويه من الشوربه او الصلصه مقدار 3 ملاعق ثم ضفيهم الي الصنيه علي الوجه مع مراعاه ان تقومي بتوزيعهم علي كل الصنيه
توكل ساخن

المكرونه بالبشاميل


المقادير
كيس مكرونه اقلام - نصف كيلو لحم معصج مع بصله صغيره وملعقة صلصه - كيلوونصف لبن 3ملاعق دقيق
3ملاعق سمن 2بيضه ملح فلفل بهار
الطريقه
تسلق المكرونه فى ماء كثير مع وضع ملح وملعقه زيت مهما كانت المكرونه جيده لازم الزيت علشان متعجنش
بعد ما تستوى تصفى فى المصفى وتغسل بالماء البارد
نعمل البشاميل
نسخن السمن ويوضع فيه الدقيق ويحمر على شرط الا يتغير لونه يوضع اللبن ويقلب وطبعا نضبط الملح ونقلب الى ان تصبح كريميه الملمس اول ما يبرد نضع البيض والفلفل ونقلب
ندهن الصنيه بالسمن ونضع طبقه بشاميل ثم طبقه مكرونه ثم العصاج ثم باقى المكرونه ثم البشاميل
نضعها فى فرن متوسط الحراره وتترك الى ان تحمر وتنضج


الأرز الأبيض بالخلطة


المقادير :
مقدار من الأرز مغسول ( 1 كوب ) / مرقة (حوالى 2 كوب) / ملعقة سمن أو ما يعادلهما زيت / ملح / فلفل أسود ناعم/ للخلطة (كبد و قوانص مقطعة / مكسرات / زبيب ) يحتفظ بجزء منها للتجميل
الطريقة :
• يقدح السمن و يضاف إليه الأرز و يقلب حتى يسمع له صوت .
• يتبل بالملح و الفلفل و تضاف إليه الخلطة و تقلب مع الأرز بخفة .
• يضاف المرق و يترك حتى يغلى ثم تهدأ الحرارة و يترك الأرز حتى ينضج .
• يغرف فى طبق التقديم و يجمل بباقى الخلطة .
• ممكن يوضع فى قالب كيك مفتوح من الوسط و يقلب و توصع باقى الخلطة فى الوسط و يقدم ....

سلـــــيق او الارز بالحليب والمرق

/2 كيلو رز مصرى مغسول
4 اكواب مرقه او شوربه لحم او فراخ
مكعب مرقه دجاج
لتر لبن حليب
معلقتين زبده او سمن
فصين قرنقل وحبهان وفصين مستكه عربى

الطريقه:
فى اناء على النار نضع كميه الشوربه ونضيف لها القرنفل والحبهان والملح والفلفل الاسود ثم نضع الارز على المرقه ونتركه على نار هاديه جدا يتشرب المرقه ويستوى بعدين نضيف للارز الحليب مع التحريك المستمر حتى يتشرب الارز الحليب كاملا ويصبح زى الارز باللبن الى بنعمله نتركه على نار خفيفه
فى اناء على النار نضع معلقتين الزبده ثم نضع فيهم شويه المستكه لحد ما تذوب ونشرها على وش الطبق بعد غرفه


ارز باللبن

/4 كيلو من الارز المصرى <<<<< حوالى كوب ونص ارز
كيلووووو من اللبن الحليب
3كوب من السكر او حسب رغبتك فى درجه الحلى
3ملاعق كبيره حليب بودر
علبه قشطه بوك او اى نوع جاهزه
معلقه فانليا

الطرييييييييييييييييييييقه:
فى وعاء على النار نضع 5 اكواب من الماء ولما يبدا الماء بالغليان نضيف اليه الارز المغسول ونتركه على نار خفيفه لحد ما يوصل الارز الى الاستواء مع الاحتفاظ بكميه من الماء فيه
بعدها نضيف السكر للارز ونتركه حوالى خمس دقائق ثم نضيف بعدها كميه الحليب ونحرك ونتركه حتى يغلى الارز والحليب ويصبح قوامه غليظ شويه
الحين اصبح الارز جاهز تقريبا اخر مرحله هى انك تذوبى الحليب البودره فى معلقه حليب سائل او ماء ونضيفه الى الارز
ونحرك بعدها نضع على الارز علبه القشطه نحرك ثم نضع الفانلياوخمس دقائق ننرفعه من النار جربوا طعم الحليب البودره مع القشطه وقولو الى رايكم ونغرف فى اطباق التقديم

التزين :
على راحتك اما مكسرات او جوز هند او فواكه مجففه او قشطه حليب مع ملعقه عسل نحل او سلطه فواكه على الوجه او الايس كريم
كلهااختيارات

طاجن البامية باالحم الضانى


/2 ك بامية رومى اوى بلدى او كيس بامية مجمدة
4 حبات طماطم فى الخلاط
3 ملاعق صغيرة ملح
فلفل اسود
ثوم
بصلة مفرومة
زبدة 3ملعقة كبيرة
لحم ضانى او كندوز
الطريقة
يحمر البصلة فى الزبدة الى ان تصبح بيضاء ثم يضاف اليها اللحم الى ان يتغير لونه ىدون ان يحمر
ثم تضاف الطماطم المصفاة وكل شوية تضعى ماء ساخن الى ان يتم نضج اللحم
بعد ذلك نضع البامية والملح الى ان تنضج ثم نهرس 3 فصوص ثوم ونضع عليهم الفلفل الاسود

ونضعها على البامية وبعد 3 دقائق نغلق النار

على فكرة اللى حاتعمل الطريقة دى حاتدعيلى لانها بتخلى البامية تجنن
وانا كمان مع الطماطم بحط قرن فلفل اخضر حار عشان تكون حامية

أرز بالطـــــــماطــــــــم

المقادير :
1 كوب أرز / 1,5 كوب ماء مغلى / ½ كوب عصير طماطم / 2 ملعقة سمن / ملح /فلفل
الطريقة :
•يقدح السمن و يضاف إليه عصير الطماطم و يقلب على نار هادئة لمدة 5 دقائق
•يضاف مقدار الماء و يتبل بالملح
•يضاف الأرز المغسول و يستكمل مثل الأرز الأبيض العادى ( المفلفل )

الكشرى الصعيدى أو ( الأرز بالعدس الأصفر )

وهو عبارة عن 1 ـ مقدار أرز + نصفه عدس أصفر أو ثلثه كل منهم منقى و مغسول
2ـ ملعقة ثوم مفرى + بصلة متوسطه مبشورة
3 ـ زيت + ملح + فلفل + كمون ( الكمية حسب الرغبة فى الحياق)
4 ـ الطريقة : يشوح البصل و الثوم فى الزيت حتى يذبلا ولا يصفرا ثم يضاف العدس و الأرز
و يقلبا مع البصل ثم تضاف التوابل ويقلب ثم تضاف الماء بحيث يغطى الأرز ويترك على النار
حتى تغلى الماء وتهدأ النار ويترك حتى ينضج الكشرى و يغرف فى طبق التقديم و يقدم مع سلاطة طماطم مع البصل والشبت

الأرز بالكـــــــــارى

الطريقة :

•تضاف ملقة كبيرة كارى إلى السمن و تقلب معها حتى يقدح السمن
•يضاف الأرز و يستكمل مثل الأرز الأبيض العادى

الأرز بالقرفــــة و الخضروات


المقادير :
مقدار من الأرز الأبيض الناضج ( الأرز المفلفل ) / 1 ملعقه كبيرة قرفة ناعمة / ¼ ك بسلة مسلوقة / 1 جزرة مقطعة مكعبات و مسلوقة ..

الطريقة :
يوضع فوق الأرز الناضج القرفة و الخضار و تقلب جيدا حتى يختلط الأرز بالقرفة و الخضار و يوضع فى قالب كيك و يقلب فى طبق التقديم و يجمل الطبق بترنشات الجزر
و بعض حبات البسلة المسلوقة و يقدم ...

الأرز بالبشــــامــــــيل

المقادير :
مثل المقادير السابقة بدون قرفة / لحمة عصاج / كوب بشاميل / بيض لدهان الوجه

الطريقة :
•تجهز صينية فرن أو طبق بايركس و يدهن بملعقة سمن
•تضاف الحمة العصاج إلى الأرز المخلوط بالخضار و تقلب ثم يوضع الأرز فى الصينية
•يصب البشاميل فوق الأرز و يفرد على السطح جيدا و يدهن الوجة بقليل من البيض المضروب مع الفلفل الأسود.
•تدخل الصينية الفرن و تترك حتى يحمر سطحها و تقدم ...

أرز الســمك البــنى

المقادير :
مقدار من أرز/ بصلة متوسطة و مفرية / زيت / ملح / فلفل أسود / كمون /فصين ثوم مفري

الطريقة :
•يقدح الزيت و يضاف إليه البصل المفرى و يحمر به حتى يصبح لونه بنى غامق
•يضاف الأرز و التوابل و الثوم و يقلب مع البصلة جيدا .
•يضاف الماء و يترك حتى يصل لدرجة الغليان ثم تهدأ النار و يترك حتى ينضج .

الكشري المصري


المقادير:
1كوب عدس اسمر/ 1كوب أرز مصرى/ 4بصلات مقطعة حلقات/ 3حبات طماطم

ملعقة صلصة/ معكرونة مسلوقة/ ثوم مفروم/ ثلث فنجان خل أبيض-فلفل حار أو رومى/ حمص مسلوق
الطريقة:
طريقة الكشرى :
يسلق العدس نصف سليق
نحمرالبصل فى الزيت حتى يصبح لونه بنيا ثم ينشل من الزيت ثم
يوضع الارز المغسول على الزيت و معه العدس و يقلبان ويوضع عليهم الملح و يغطى بالماء و يترك لينضج
تشوح المعكرونة المسلوقه فى قليل من الزيت مع الملح و الفلفل الاسود و ذلك قبل التقديم مباشرة
طريقة الصلصة:

1-يدق 4 فصوص من الثوم مع الفلفل و يحمر فى قليل من الزيت
2-تبشر الطماطم بمبشرة البصل و توضع على الثوم مع ملعقة الصلصة
3-يوضع عليهم الخل و الملح و الفلفل و يترك على نار هادئة لحد ما تتسبك

طريقة الدقة:
1-يدق حوالى 4فصوص من الثوم
2-عصير ليمونتين
3-خل - ملح - كمون - فلفل أسود
4-توضع جميع المقادير على بعضها و تخلط جيدا
عند الغرف نضع اولا الارز و العدس ثم يوضع عليه المعكرونة ثم الحمص ثم الصلصة ثم البصل على الوجه و الدقة حسب الطلب

مسقعة باللحمة المفرومة


المقادير:

2 كيلو باذنجان رومى
5 فصوص ثوم
- نصف كيلو عصير طماطم
نصف كيلو لحمة مفرومة
2 ورقة لاورا
ملح فلفل
2 بصلة
-لوز مقشور (اختياري)
الطريقة:

-يقشر الباذنجان ويقطع حلقات سميكة يحمر فى الزيت ويرفع منه ويوضع على ورقة تتشرب الزيت الزائد
-تطبخ اللحمة والثوم والبصل المفريين والتوابل جيدا فى ملعقتين من السمن حتى تجف من الماء
-نضع عصير الطماطم حتى يتسبك جيدا ثم نضيف اللوز المقشور
-في صينية للفرن نضع طبقة باذنجان ثم طبقة لحم وهذا حتى نصل الى نهاية الخليط ثم ادخليه الفرن لمدة عشرين دقيقة